Gjatë periudhës së fundit FDMC mbajti aktivitete të shumta në kuadër të projektit „Përmirësimi i të drejtave të fëmijëve dhe i pavarësisë së komuniteteve të cenueshme jo-shumicë përmes forcimit të organizatave të shoqërisë civile, ndërtimit të kapaciteteve institucionale dhe fuqizimit“, që zbatohet në partneritet me zyrën kombëtare Save the Children Kosovo dhe financohet nga Agjencia Suedeze për Bashkëpunim Zhvillimor Ndërkombëtar (Sida).
Nga 15 deri më 17 maj 2026 në Hotel Brezovica u mbajt punëtoria për vlerësimin e kapaciteteve organizative (VKO) të Forumit për Zhvillim dhe Bashkëpunim Multietnik. Qëllimi ishte vlerësimi i kapacitetit të organizatës në një spektër të gjerë temash, fuqizimi dhe ngritja e kapaciteteve të FDMC, hartimi i planit të komunikimit për përfshirjen e palëve të interesit dhe kuptimi më i mirë i nevojave të tyre.
Anëtarët e FDMC punuan në grupe sipas fushave për të arritur qëllimin e punëtorisë.
